Naxçıvan Muxtar Respublikası Gənclər və İdman Nazirliyinin 10-17 Noyabr – Beynəlxalq Tələbə Gənclər Həftəsi ilə bağlı tədbirlər planına uyğun olaraq ali və orta ixtisas təhsili müəssisələrinin tələbələri arasında intellekt yarışı keçirilib.

Gənclər Mərkəzində reallaşan “Nə? Harada? Nə zaman?” İntellektual Oyununda 9 komanda qələbə uğrunda mübarizə aparıb. Naxçıvan Dövlət Universitetinin (NDU) tələbələrindən ibarət “Tahirli Academy” komandası rəqiblərini üstələyərək birinci olub. NDU tələbələrinin olduğu digər heyət ikinci, Naxçıvan Müəllimlər İnstitutunun təmsilçiləri isə üçüncü yerə sahib çıxıblar.

Qeyd edək ki, Beynəlxalq Tələbə Gənclər Həftəsi ilə bağlı keçirilən yarışmalarda fərqlənən gənclər noyabrın 16-sı yekun tədbirdə mükafatlandırılacaqlar.